Këto ditë ka pasur reagime për shkak të mungesës së heqjes së mbeturinave nga vendet përkatëse në Prishtinë nga kompania e pastrimit.
Ndërkohë, Komuna e Prishtinës ka njoftuar se besojnë deri në ora 16:00 e gjithë qendra do të pastrohet në tërësi, duke kërkuar mirëkuptim nga qytetarët.
“Jemi të vetëdijshëm për situatën jo të këndshme të shkaktuar nga grumbullimi i mbeturinave në Kryeqytet“, thotë ndër të tjera Komuna.
Njoftimi i plotë:
Të nderuar qytetarë, Jemi të vetëdijshëm për situatën jo të këndshme të shkaktuar nga grumbullimi i mbeturinave në Kryeqytet. Për arsye të obligimeve të NP “Pastrimi” ndaj Deponisë, kjo e fundit është bllokuar për një ditë dhe ka rezultuar në krijimin e gjendjes së tillë. Mirëpo, NP “Pastrimi” është tani në terren me gjithë kapacitetin e saj dhe besojmë se deri pas orës 16:00, qendra do të pastrohet në tërësi. Ju falënderojmë për mirëkuptim.
