Njomza Emini, presidente e Komiteti Paralimpik të Kosovës, e quajtë këtë historike për Komitetin. Sipas saj, libri i promovuar hedh në dritë faktet mbi sportin.
Ajo më tej shtoi se sportistët po tregojnë çdo ditë e më shumë suksese, falë punës ekipore dhe se autori ka arritur që të gjitha ngjarjet t’i përfshijë në këtë libër.
“Ju falënderojë të gjithëve për pjesëmarrje. Një kontribut të që ka dhënë dhe po vazhdon të japë autori i librit. Komiteti Paralimpik tash është anëtare në Komiteti Paralimpik Ndërkombëtar, të gjitha strukturat janë aktive dhe më këtë libër të gjithë qytetarët kanë një informata bazike për Komiteti Paralimpik”.
“Puna ekipore jep gjithmonë rezultate, krejt ky përkushtim po përfundon me botim të librit. Autori ka arritur se të gjitha ngjarjet t’i përfshij në këtë libër. Po shënojmë progres çdo ditë me sportistët tanë. Para disa viteve kjo ka qenë e pamundur, tani jemi duke u zhvilluar me hapa të tjerë dhe me suksese të një pasnjëshme. Sot komitete është anëtar i Komitetit Paralimpik Ndërkombëtar. Libri hedhë dritë mbi faktet mbi sportin”, tha ajo.
Naser Zabeli profesori në Fakultetin e Edukimit në UP, tha se ky libër pasuron literaturën shqipe, e sidomos atë për sportin në Kosovë.
Ai më tej shtoi se vlerën këtij libri ja ka rritur edhe botimin në alfabetin Brail, raporton EO.
“Është për kënaqësi kur e ke në dorë librin para të tjerëve në cilësinë e recensentit. Libri ka 15 kapituj, nuk po i tregojë temat sepse nuk e lexojnë pastaj. Është një libër që pasuron literaturën pedagogjike, po ashtu është i rëndësishëm për sportin. Vlerën e këtij libri e shtoj edhe më shumë edhe botimi në alfabetin Brail të cilat janë të rralla në Kosovë”, tha ai.
Profesori Bujar Turjaka, recensent i librit, tha se libri është shumë i rëndësishëm dhe se ka një karakter arsimorë.
Sipas tij, libri është tekst mësimor dhe ka karakter arsimor.
“Më shumë kënaqësi e kam marrë kërkesën që të jem recensent i këtij libri. Autori me anë të këtij libri ka nxjerr në shesh temën shumë aktuale, për kategoritë me aftësi të kufizuara. Libri është shkruar më bazë të një provojë praktike me sportistë”.
“Libri është tekst mësimor dhe ka karakter arsimor. Autori është edhe autor i shumë teksteve shkollore. Autori librin e tij e ka ndarë në katër pjesë, fletë për aktivitetin fizik, demonstrimin e lojëra për personat me aftësi fizike”, tha ai.
Luljeta Kabashi nga Ministria e Arsimit, e cila ishte edhe recizente e librit, tha se libri ofron ide për sporte dhe aktivitet fizik për personat me aftësi të kufizuar.
“Shumë shpesh mësimdhënësit i kanë liruara nxënësit me aftësi të kufizuara nga lënda e edukimit fizik që ata të mos ndihen keq duke i parë të tjerët duke u ushtruar”.
“Mendoj që libri po ofron diçka që deri tash nuk ka pasur mundësi as kush të ofroj ide për këto sporte. Çdo lëvizje fizike i aftëson ata, materiali është shumë i përshtatshëm për të gjithë si për ata jashtë shkollës dhe në shkolla.
Autori i librit Ahmet Mahmutaj, tha se ideja për botimin e librit i kishte ardhur pasi fëmijët me aftësi të kufizuar në shkolla nuk kanë qasje në edukim fizik.
Ai tha se tani në Kosovë pjesëmarrja në shoqëri për të gjithë nuk është vetëm vizion, por edhe praktikohet.
“Mendoj që është një punë modeste në këtë fushë. Dua vetëm t’i jap disa detaje të thjeshta se kur nisi ideja. Vetë pjesëmarrja tregon që si shoqëri i kemi shembur muret dhe që gjithë përfshirja nuk është vetëm vizon, por edhe praktikë”, tha ai.
