Presidenti amerikan, Joe Biden ka reaguar lidhur me lëndën narkotike të gjetur në shtëpinë e Bardhë.
Zëdhënësja Karine Jean-Pierre ka deklaruar se Biden është shprehur se Shërbimi Sekret duhet të përcaktojë se si ka arritur kokaina në hollin e krahut perëndimor të Shtëpisë së Bardhë.
Agjentët e Shërbimit Sekret të SHBA-së gjetën drogën gjatë një pastrimi rutinë të Shtëpisë së Bardhë të dielën, në një qese të vogël plastike në tokë.
Jean-Pierre tha se Shtëpia e Bardhë ka besim te Shërbimi Sekret.
“Presidenti mendon se është tepër e rëndësishme që kjo të hetohet plotësisht”, tha ajo.
Biden po udhëtonte me anëtarët e familjes gjatë fundjavës, kur u zbulua kokaina dhe kompleksi u evakuua për pak kohë si një masë paraprake.
Shërbimet e urgjencës u thirrën për të testuar substancën për t’u siguruar që nuk ishte e rrezikshme, dhe një test fillestar tregoi një rezultat pozitiv për kokainë.
Hetuesit nuk kanë zbuluar ende se kush e solli drogën në Shtëpinë e Bardhë. Shërbimi Sekret, i cili është përgjegjës për sigurimin e Shtëpisë së Bardhë, po analizon të dhënat e vizitorëve dhe pamjet e kamerave të sigurisë
