Në edicionin e ri të emisionit Rubikon në Klan Kosova, është diskutuar “Rruga e re” e Lidhjes Demokratike të Kosovës.
Çka ofron kjo iniciativë e LDK-së për qytetarët e Kosovës? dhe cilat janë zgjidhjet e kësaj partie për sfidat me të cilat po ballafaqohet Kosova.
Me këtë rast, deputetja Doarsa Kica-Xhelili, u shfaq tejet kritike ndaj pushtetit aktual të kryeministrit të Kosovës Albin Kurti.
Ajo tha se me këtë qeveri është helmuar çdo diskutim publik.
“Demokracia në Kosovë nuk është hera e parë që po të rrezikohet. Por, kurrë nuk është rrezikuar kaq shumë. Prej fjalës së lirë, prej lirisë së mediave, tek kapja e drejtësisë, tek ndërhyrjet në drejtësi e prokurori, tek fjalori që një ministër përdor për lëndet aktive, kurrë nuk ka qenë deri në këtë masë”, tha ajo.
