Nënkryetarja e Lidhjes Demokratike të Kosovës, Doarsa Kica-Xhelili në emisionin ‘Debat Plus’ në RTV Dukagjini ka folur për rezultatin e LDK-së në zgjedhjet parlamentare.
Kica-Xhelili u shpreh se LDK në fushatën zgjedhore ka punuar shumë por nuk e kanë pritur rezultatin e arritur dhe se për të nuk janë të kënaqur.
Ajo ka falënderuar të gjithë votuesit e LDK-së duke thënë se ata besuan në një fushatë me plotë integritet.
Ajo ka thënë se votuesit e LDK-së nuk kanë pranuar të bien preh e mllefit dhe urrejtjes.
‘’A është ky rezultat zgjedhor rezultati të cilin e kemi pritur, natyrisht që jo, sepse mendoj që kemi punuar shumë, kemi punuar fort e mbi të gjitha kemi punuar drejt që të arrijmë një rezultat tjetër’’.
Ajo ka thënë se gjatë fushatës kanë pasur vlerësime që të punojnë të kundërtën dhe sondazhe që u kanë thënë të kundërtën.
Tutje Kica-Xhelili ka thënë se sallat nuk i kanë mbushur duke bartur njerëz nga një qytet në tjetrin por sallat e tyre janë mbushur me njerëz që i kanë mbështetur.
