Misioni i NATO-s, KFOR ka bërë të ditur se është mbajtur një trajnim mes ushtarëve të tij dhe anëtarëve të Shoqatës së Kërkimit dhe Shpëtimit të Kosovës.
Në postimin në Facebook thuhet se trajnimi në fjalë ishte i ndihmës së parë.
“Ushtarët nga Komanda Rajonale në Lindje të KFOR-it të udhëhequr nga NATO-ja kanë kryer një trajnim të ndihmës së parë me Shoqatën e Kërkimit dhe Shpëtimit të Kosovës, në kampin Bondsteel”.
“Trajnimi testoi aftësitë mjekësore dhe të reagimit ndaj traumës në skenarë të ndryshëm”, thuhet në njoftim.
