KF Drenica ka bërë një reagim zyrtar pas humbjes së djeshme ndaj Llapit, në kuadër të javës së 19-të në Superligën e Kosovës.
Klubi nga Skenderaj është shprehur i pakënaqur me ndarjen e drejtësisë nga Genc Nuza.
Klubi i Drenicës pretendon se penalltia e akorduar për Llapin nuk qëndronte.
Në njoftimin e lëshuar gjithashtu Nuza u akuzua se ka dëmtuar “kuqezinjtë” në më shumë se dhjetë raste në vitet e fundit.
KF Drenica gjithashtu zbuloi se po shqyrton mundësinë për të bërë kërkesë që në ndeshjet e tyre të mos caktohet më për të ndarë drejtësinë Genc Nuza.
Reagimi i plotë (pa ndërhyrje):
“Çfarë ka Genc Nuza kundër Drenicës?
Pas analizës së bërë nga drejtuesit e klubit tonë, lidhur me ndeshjen mes KF Drenica dhe KF Llapi, e zhvilluar me 11.02.2023, në kuadër të xhiros së xhiros së 19 në Albi Mall Superligën, vendosem të dalim më këtë Reagim për media.
Reagimi jonë ka të bëjë me ndarjen e drejtësisë nga gjyqtari kryesor i kësaj ndeshjeje Genc Nuza, i cili nuk e dim se çfarë ka kunder KF Drenicës dhe nuk e dim çfarë i pengon atij KF Drenica, sepse jo vetëm në këtë ndeshje , por në shumë ndeshje, kemi pasur verejtje në këtë gjyqtar.
Duke mos dashur që te ‘viktimizohemi’ pa nevojë, por duke parë perpjekjet e shumë donatorëve, sponsorëve, duke bërë çdo gjë që të mbahet gjallë Klubi i Futbollit ‘Drenica’ , një klub me shume traditë si klubi jonë, si dhe duke ditur veshtirësitë për të mbajtur gjallë klubin, të del një gjyqtar (i cili është recidivist) në rastin kundër klubit tonë, dhe të behet protagonist, duke vendosur epilogun e ndeshjes, kjo është e turpshme dhe e pa pranueshme për gjyqtarin me stemën e FIFA-s.
Qysh në fillim të ndeshjes u verejt tendenca e gjyqtari Nuza, ku vazhdimisht bente presion mbi lojtarët tonë, kurse ai vendosi që ta kryejë ‘punën’ qysh në minutën 11-të të ndeshjes, ku akordon një penallti totalisht inegzistente në favor të Llapit, deshmi për këtë është edhe videoja që ia kemi bashkangjitur këtij reagimi.
Është turperuese që i njejti gjyqtar pothuajse në më shumë se 10 raste ka demtuar KF Drenicën vetem në vitet e fundit, dhe kur kësaj i shtohet fakti se ai është një gjyqtar me stemë të FIFA-s atëherë na shtohet dyshimi se ky gjyqtar ka antipati për klubin tonë, pasi na ka dëmtuar në kaq shumë raste dhe kaq shumë vite me radhë.
Klubi, është duke shqyrtuar mundësinë e dergimit të shkresës për të ndaluar referimin Genc Nuzës për ndeshjet e ardhshme që do t’i zhvilloj Drenica në kampionat.
Ne shpresojmë që organët gjegjëse të FFK-së do të marrin masa ndaj gjyqtarit në fjalë, si dhe raste të tilla nuk do të perseritën më në futbollin kosovar sepse janë duke ia humbur kuptimin kampionatit gjyqtarë të tillë të cilët përcaktojnë rezultatet e ndeshjeve në Superligë”.
