Gjatë ditës së nesërme në Kosovë pritet të mbahen shumë aktivitete.
Fillimisht duke filluar nga ora 08:00 Kuvendi i Republikës së Kosovës organizon aktivitetin tradicional “Bashkatdhetarët në Kuvend”, ku të gjithë bashkatdhetarët mund ta vizitojnë Kuvendin dhe të takohen me deputetë.
Pastaj duke filluar nga ora 11:00, mbahet mbledhja e Komisioni për Buxhet, Punë dhe Transfere, ku do të shqyrtohen disa projektligje dhe raporte vjetore financiare.
Ndërsa në ora 12:00 Grupi Parlamentar i Aleancës për Ardhmërinë e Kosovës mban tryezën e tretë, ku do të diskutojë me përfaqësues të shoqatave të dala nga lufta, shoqatat e të burgosurve politikë, shoqatat e të pagjeturve, si dhe udhëheqës të UÇK-së, lidhur me situatën politike në Kosovë dhe modalitetet e mundshme për të dalë nga kjo situate.
Po ashtu në ora 12:00 mbahet mbledhja e Komisioni për Arsim, Shkencë, Teknologji, Inovacion, Kulturё, Rini dhe Sport, ku shqyrtohen raportet e komisioneve të përhershme për Projektligjin pёr të drejtat e autorit dhe të drejtat e përafërta.
