Lotë dhe tension në seancën e parë në Buenos Aires për vdekjen e legjendës argjentinase.
Nëse kishte pasur momente tensioni përpara se të fillonte gjyqi për vdekjen e Diego Armando Maradonës, me turmën që priste ekipin mjekësor para gjykatës së San Isidro-s duke thirrur “vrasës”, prezantimi i prokurorit Patricio Ferrari shkaktoi një tronditje të vërtetë.
“Ja, kështu vdiq Maradona”, tha prokurori, duke treguar foton e kufomës jashtëzakonisht të fryrë të “El Diez”.
“Kushdo nga të pandehurit që pretendon se nuk e kuptonte se çfarë po ndodhte me Diegon gënjen qartë. Gjendja e tij ishte e dukshme,” shtoi prerazi hetuesi.
E ndërsa prokurori vazhdonte të tregonte foton duke e mbajtur lart, vajzat e tij Dalma dhe Giannina shpërthyen në lot, më pas të ngushëlluara nga motra e tyre Jana.
Skena dramatike, e cila u bë virale dhe u përhap në të katër anët e botës, u transmetua në transmetimin e drejtpërdrejtë të gjykimit të transmetuar nga Gjykata e Lartë e provincës së Buenos Aires në kanalin e saj zyrtar në YouTube.
TË PADITURIT- Gjyqi sheh në bankën e të akuzuarve, me akuzën e vrasjes me keqdashje të mundshme, të gjithë stafin mjekësor që u kujdes për kampionin argjentinas në ditët e fundit të jetës.
Në total janë tetë persona, mjekë dhe infermierë, duke përfshirë mjekun që merr pjesë, neurokirurgun Leopolodo Luque. Mbërritja e punonjësve të shëndetësisë në oborrin e San Isidros, në periferi të kryeqytetit, u prit keq nga turma që u mblodh spontanisht para godinës duke thirrur “vrasës”.
Klimën e tensionit e ka shtuar edhe ish-bashkëshortja e Maradonës, Veronica Ojeda, e cila ka qëndruar para një prej të akuzuarve, psikiatres Agustina Cosachov, duke shpërthyer në lot dhe duke e sharë me një sërë fyerjesh ndaj saj.
Pak orë para gjyqit, vajza e tij Dalma kishte kërkuar drejtësi në një intervistë televizive ku ripërsëriti hipotezën e një komploti të një rrethi pushteti që kërkonte vdekjen e babait të saj.
“Ne duam që këta njerëz të thonë se kush i ka punësuar, kush i ka paguar rrogat, kush e ka drejtuar shtëpinë,” tha e reja.
MAGJISTRATI- Në fjalën e tij hyrëse, prokurori u shpreh se “në përfundim të një viti hetimesh, u ndërtua një akuzë e fortë, aspak tebdencioze, e bazuar në prova”.
Sipas Ferrarit, ka prova të forta që të pandehurit janë përgjegjës për shkaktimin e vdekjes së Maradonës gjatë shtrimit të tij në shtëpi, i cili zgjati nga 11 deri më 25 nëntor 2020, në atë që përkufizohet si “shtëpia e tmerreve”.
Magjistrati më pas përfundoi fjalën e tij duke u shprehur se “familja dhe populli argjentinas meritojnë drejtësi”, përcjell Top Channel.
Maradona vdiq më 25 nëntor 2020 në moshën 60-vjeçare nga një krizë kardio-respiratore që ndodhi në rezidencën e tij në Tigre, në periferi ekskluzive veriore të Buenos Aires, ku Diego po shërohej pas një operacioni për një hematomë në kokë.
