Nuk janë të rralla rastet kur zyrtarët policorë ballafaqohen me kërcënime serioze nga qytetarë në qytete të ndryshme të Kosovës.
Një rast i tillë ka ndodhur dje në Vushtrri, ku një 47-vjeçar është kapur dhe ka kërcënuar disa zyrtarë policorë.
Rasti dyshohet se ndodhi derisa policët ishin në pauzë, një një kafeteri, ku i dyshuari ishte futur duke iu drejtuar me fjalët “Punoni diçka, çu punoni – a po çoheni ju a unë me ju iu” dhe më pas e kishte nxjerrë një shufër metalike.
Policia ka arritur ta arrestojë dhe ta shoqërojë të dyshuarin në stacion, ku iu nënshtrua alkotestit dhe doli të jetë i dehur.
Pas përfundimit të procedurave policore, me urdhër të Prokurorit të Shtetit, i dyshuari është dërguar në mbajtje dhe ndaj tij kanë nisur hetimet për veprën penale “Kanosje ndaj personit zyrtar”.
