Vazhdojnë kanosjet ndaj zyrtarëve policor në Kosovë, një rast tjetër raportohet të ketë ndodhur në Gjakovë.
Zyrtari policor ka kërkuar ndihmën e kolegëve pasi u përball me të dyshuarin, teksa po kthehej nga puna për në shtëpi.
Bazuar në informacionet e para, i dyshuari e ka ndjekur policin me veturë.
Burimet brenda Prokurorisë thonë se megjithatë, i dyshuari arriti që t’i shkojë te vetura dhe ta kërcënojë me fjalë të ndryshme si “O mangup, uniformën kom me ta desh e shpirtin me ta marrë se ti n’burg m’çon, por unë kur dal”.
Pjestari i Policisë e ka denoncuar rastin dhe si rezultat, i dyshuari është arrestuar dhe është dërguar në stacionin policor.
