Portieri i Chelseat, Kepa Arrizabalaga, e ka paralajmëruar Real Madridin se të kaltrit e Londrës synojnë ta fitojnë Ligën e Kampionëve këtë sezon, në prag të ndeshjes së parë çerekfinale me kampionin në fuqi.
Chelsea e viziton Realin për ndeshjen e parë çerekfinale të mërkurën në stadiumin Santiago Bernabeu.
Numri një i Chelseat beson se ekipi i tij do të eliminojë Real Madridin nga Liga e Kampionëve. Spanjolli dha një intervistë për UEFA-n dhe paralajmëroi kundërshtarët për ndeshjen e së mërkurës.
“Ne e dimë çfarë është Liga e Kampionëve dhe e dimë respektin që e meriton. Çdo ekip, çdo ndeshje… nëse ke vrapim të keq prej 20 minutave në barazim, mund ta eliminoni veten dhe ne e dimë këtë. Ne jemi ndër tetë më të mirët dhe është e qartë se ëndërrojmë të fitojmë Ligën e Kampionëve. Tashmë e kemi fituar”, tha Kepa.
Ai shtoi: “Ne kemi fituar gjithçka në Evropë në katër vite e gjysmë të fundit dhe është shumë e kënaqshme. Ka të bëjë me ngritjen e trofeut dhe festimin e tij, por rruga dhe fazat që janë kapërcyer për të arritur atje janë gjithashtu të rëndësishme”.
Reprezentuesi spanjoll është një lojtar kyç në skuadrën e Chelsea, këtë sezon ai ka pësuar 27 gola në 30 ndeshje në të gjitha garat.
