Katër persona kanë mbetur të lënduar nga një aksident në rrugën Prishtinë-Pejë.
Aksidenti ka ndodhur të shtunën pasdite në fshatin Bresje të Fushë Kosovës, ku janë përfshirë tri vetura.
Lajmin e ka konfirmuar për Gazetën Insajderi, zëdhënësi i Policisë, Bajram Krasniqi.
Katër të lënduarit kanë kërkuar ndihmë mjekësore.
“Në ora 16:45, policia është njoftuar për një aksident trafiku të ndodhur në rrugën nacionale Prishtinë-Pejë (Bresje F.Kosovë). Në aksident janë përfshirë tri automjete. Si pasojë e aksidentit katër persona kanë kërkuar ndihmë mjekësore. Njësitet policore janë marrë me procedurat në vend-ngjarje”, tha Krasniqi.
