Gazetari Vehbi Kajtazi ka komentuar entuziazmin e përkrahëseve të VV-së pas polemikave të kryeministrit Albin Kurti me kryeministren serbe, Ana Bërnabiq, dje në forumin e Bledit të mbajtur në Slloveni.
Përmes një postimi në Facebook, Kajtazi ka thënë se uron që i ka lëshuar adrenalina mbështetësit e VV-së pas fjalimit të Kurtit, pasi sipas tij duartrokitjet ishin boshe.
“A ju leshoi adrenalina e 10 sekondave te kryeministrit Kurti? Uroj qe po sepse vetem ne kete menyre mund te gjykojme me drejte. Kryeministri ia tha disa te verteta homologes se tij serbe”, ka shkruar Kajtazi.
Kajtazi ka shkruar se Kurti ia tha disa te vërteta homologes se tij serbe, por e përmendi edhe një të vërtetë tjetër.
“E vertete tjeter eshte se Kurti e emeron zevendesminister nje ushtar te Milosheviqit, e glorifikon kriminelin, Ivanoviq dhe ka komunikim nepermjet Mimoza Kusarit me Radojiqiqin – njeriun e listes se zeze te Amerikes. Prandaj, duartrokitjet qofte ne Kosove, apo edhe ne sallen e samitit ne Slloveni, nuk jane gje tjeter pos duartrokitje boshe per nje polemike populiste e cila çdo dite e me shume po na çon kurrkund”, ka shkruar Kajtazi.
/GazetaPapirus/
