Profesori i Fakultetit të Shkencave Politike në Zagreb, Dejan Joviq, vlerësoi se Beogradi dhe Prishtina e pranuan marrëveshjen franko-gjermane “sepse ishte më e rrezikshme ta refuzosh sesa ta pranonte, qoftë edhe gjoja”, transmeton Gazeta Papirus.
“Të dyja palët presin që tjetra ta prishë marrëveshjen dhe në këtë mënyrë t’i lirojë të dyja nga detyrimi për ta zbatuar atë. Nuk pres që marrëveshja të zbatohet ashtu siç e kanë parashikuar nismëtarët e saj”, ka thënë Joviq për gazetën Nova.
Por, siç theksoi ai, “është e nevojshme një zgjidhje e çështjes serbo-shqiptare”. “Do të ishte mirë të mos jemi dogmatikë, pra të jemi të hapur ndaj të gjitha varianteve të mundshme të zgjidhjeve, madje edhe atyre që deri më tani janë trajtuar si të pamundura”, tha Joviq./Gazeta Papirus/
