Ditën e martë u raportua për një aksion të përbashkët të Policisë së Kosovës dhe asaj gjermane, lidhur me veprimtaritë ilegale të qendrave të thirrjeve në vend.
Për të shmangur vijueshmërinë e fitimit të jashtëligjshëm, dy policitë kishin kryer hetime të mëdha disa mujore.
Lidhur me rastin ka reaguar edhe ambasadori gjerman në Kosovë, Jorn Rohde.
“Këtë javë policia gjermane dhe ajo kosovare kryen me sukses një operacion të përbashkët kundër mashtrimit në “call-center” në Kosovë. Ky operacion nënvizon bashkëpunimin e shkëlqyer të autoriteteve tona në luftën kundër krimit të organizuar. Faleminderit të gjithë oficerëve të përfshirë për punën e shkëlqyer ekipore!”, shkroi Rohde në platformën “X”.”
