Kryeministri i Britanisë, Boris Johnson, ka konfirmuar këtë mbrëmje 10 masat e tjera që do të zbatohen kundër Rusisë, në krye të sanksioneve të konfirmuara në fillim të kësaj jave.
Sanksionet e lajmëruara nga kryeministri britanez janë kështu si në vijim:
• Një synim për të vendosur ngrirjen e aseteve në të gjitha bankat kryesore ruse me një ngrirje të menjëhershme ndaj VTB-së e cila ka asete që arrijnë në 154 miliardë £
• Të prezantohet legjislacioni të martën që do të ndalojë aftësinë e të gjitha kompanive ruse për të mbledhur financa në tregjet e Mbretërisë së Bashkuar
• Të vendosë sanksione kundër individëve, subjekteve dhe filialeve të tyre, të cilat përfshijnë Rostec – kompania më e madhe ruse e mbrojtjes.
• Kërkon ndalimin e menjëhershëm të disa avionëve për t’u ulur në Britaninë e Madhe.
• Të pezullojë menjëherë përdorimin e licencave të eksportit në Rusi – si shembull janë komponentët elektrikë ose pjesët e kamionëve ushtarakë
• Të vendoset legjislacioni “brenda ditëve” që do të ndalojë një gamë të gjerë të eksporteve të teknologjisë së lartë në Rusi.
• Futjen e legjislacionit që do të kufizonte sasinë e depozitave që shtetasit rusë do të mund të mbajnë në llogaritë bankare të Mbretërisë së Bashkuar.
• Të punojë me G7 dhe aleatët e NATO-s për të mbyllur aksesin e Rusisë në sistemin e pagesave SWFIT.
• Për të shtrirë këtë gamë të plotë masash gjithashtu edhe në Bjellorusi
• Shikon paraqitjen e projektligjit për krimin ekonomik, i cili do të marrë masa kundër rusëve që mbledhin fonde në Britani
