E ardhmja e Granit Xhakës te Arsenali vazhdon të mbetet ende e paqartë.
Mesfushori kosovar me pasaportë zvicerane ka kontratë te Topçinjtë edhe një vit plus me opsion t’i vazhdohet deri në vitin 2025.
Megjithatë lajmet e fundit nga Anglia dhe Gjermania kanë raportuar për një interesim të madh nga skuadrat gjermane për mesfushorin qendror.
Klubet gjermane po e monitorojnë situatën e Xhakës dhe janë gati ta transferojnë atë në verë.
30-vjeçari ka bërë shumë mirë në Bundesliga ku kishte kaluar katër vite te Borussia Moenchegladbach. Xhaka këtë edicion ka zhvilluar 45 ndeshje zyrtare me Arsenalin ku ka realizuar shtatë gola dhe ka asistuar në shtatë të tjerë.
