Lumir Abdixhiku, kryetar i LDK-së, e ka publikuar një shkrim në Facebook, përmes të cilit ka njoftuar për takimin me presidenten Vjosa Osmani dhe shefin e AKI-së, Petrit Ajeti.
Abdixhiku ka shkruar se është informuar në lidhje me gjendjen e sigurisë në veri.
“Mbrëmë, kam pranuar ftesë nga Presidentja e Kosovës për takim të përbashkët me të dhe Drejtorin e AKI-së. Këtë mëngjes, në takimin e përbashkët, jam informuar mbi gjendjen e sigurisë në veri të vendit dhe angazhimin e institucioneve shtetërore – veçmas ato të sigurisë e inteligjencës – në përballje me sulmet terroriste gjatë ditëve të fundit; dhe jo vetëm.” – shkroi Abdixhiku.
