Deputeti i Lëvizjes Vetëvendosje, Adnan Rrustemi dhe analisti Astrit Gashi janë përplasur teksa debatonin për zhvillimet e fundit në dialog dhe qëndrimet e kryeministrit, Albin Kurti.
Gashi iu drejtua Rrustemit duke i thënë se është me PDK-në dhe jo me VV-në.
“Ti as Vetëvendosje nuk je, sinqerisht, ti je PDK me shpirt e me zemër”, tha Gashi.
Atij iu kundërpërgjigj Rrustemi duke thënë se “Që 15 vjet jam në VV, që 15 vjet jam, unë jam VV në thelb… Me kënd ke pi sot? Me kënd ke ndejt kush të ka porositë zotëri Gashi. Ti je i kotë”.
Kurse Gashi ia ktheu duke e pyetur “prej cilës parti ke dalë në VV? A je kanë në PDK ndonjë ditë?”.
“Kurrë në jetë nuk kam punu në PDK”, u përgjigj Rrustemi.
