Ai në Tëvë 1, deklaroi se momentin që ata janë identifikuar se po hedhin gaz lotsjellës, kanë mbyllur dritaret e objektit.
“Sa i përket gazit, unë personalisht me Faton Klinakun kemi identifiku nga kati i dytë i Parlamentit vazhdimisht kanë hedh gaz lotsjellës, kemi shkuar kemi kërkuar kush është komandanti i operacionit dhe i kemi njoftu, identifiku momentin që e kanë parë e kanë mbyllë dritaren. Tash ne do të kërkojmë sepse nga ajo pjesë në vazhdimësi nuk e di kush ka gjuajtur nuk e di zyret e cilit grup parlamentar janë ato por është e identifikuar dhe publikuar. Është e identifikune dhe këtu është skajshmërishtë e mjerueshme mbi kategoritë, veteranët me hudh gaz lotsjellës”, shtoi ai.
Kurse, sa i përket takimeve me Qeverinë para ose pas protestës, Jashari thotë se nuk kanë pasur asnjë të tillë – ani pse u është premtuar vazhdimisht se do të ketë takime me ta.
“Absolutisht jo, formalisht duke përdorë demagogji politike në një takim janë shpreh se do të kenë takime mujore dhe të ketë bashkëpunim mirëpo pas atij takimi s’kanë qenë të interesuar, skemi pasë takime tjera. Ne e kemi dërguar edhe kërkesat që obligohen me ligj sidomos me theks të veçantë për çështjet e invalidëve dhe prej që është kriju kjo Qeveri nuk ka pasur asnjë gatishmëri as në rehabilitimin e invalidëve madje kemi në gjendje shumë të rëndë, që kanë nevojë urgjente për proteza, as në këtë drejtim kjo Qeveri nuk ka qenë e interesuar”, tha ai.
Madje, Jashari tregon edhe vështirësitë që familjarët hasin në procesin e përfitimit të pensionit të këtyre kategorive.
“A e din sa maltretohen këto kategori që në zyre është vendosur një person që është këshilltar i kryeministrit dhe është banale të kthehet një familjar i dëshmorit të kthehet pse nuk është i shënuar me “q” të butë ose të fortë kur në Drenicë është vetëm një Qirez. Janë këto aq banale që me të vërtetë këto kategori janë të arsyeshme kur revoltohen dhe zhgënjehen”, shton ai.
