Kryetari i Federatës së Futbollit të Kosovës, Agim Ademi vazhdon të jetë në klinikën emergjente ku janë duke iu kryer disa rentgene, por që s’ka ndonjë gjë serioze.
Drejtori i Emergjencës në QKUK, Naser Syla për Nacionalen ka treguar se Ademi vazhdon të jetë në spital, mirëpo pritet që të lirohet së shpejti.
“Po momentalisht jemi duke u marrë me të. Jemi duke ia bërë disa rentgene për zemër, por s’është ndonjë gjë serioze. Lirohet shpejtë besoj, s’ka qenë ndonjë gjë serioze“, drejtori shkurtimisht Syla.
Ademi kërkoi trajtim në QKUK pasi Prokuroria Themelore në Prishtinë vendosi ta dërgojë në mbajtje për 48 orë pas akuzave për veprat penale “Keqpërdorim i Besimit” dhe “Shmangie në tatim”.
