Ish-ushtaraku dhe eksperti i sigurisë, Nuredin Ibishi, ka folur për situatën e krijuar në komunat veriore pas zgjedhjeve atje.
Ai ka thënë se disa nga kërkesat e serbëve janë të papranueshme, duke përmendur këtu edhe kërkesën e tyre për largimin total të Policisë së Kosovës nga veriu.
Ibishi ka folur edhe për sanksionet nga ndërkombëtarët për shkak të veprimeve të institucioneve kosovare në veri.
“Duhet të jemi të kujdesshëm, sanksionet do të jenë në vazhdimësi duke nisur nga mos ndihma për njohje të reja”, ka thënë ai për lajmi.net.
Ibishi ka deklaruar se zyrtarëve shtetërorë mund t’i ndalohet udhëtimi në vendet që do t’i vendosin sanksione Kosovës.
