Ish-Ministri i Punëve të Jashtme të Kosovës, Skënder Hyseni tha se Albin Kurtit më në fund po i mbarojnë gënjeshtrat dhe po detyrohet të thotë të vërtetën mbi veprimet e tij politike, përcjell Gazeta Papirus.
Hyseni tha se Kurti e ka pranuar se e ka nënshkruar Asociacionin dhe se i ka mashtruar qytetarët e Kosovës për dhjetë vite me radhë.
Ish-ministri Hyseni deklaroi se kryeministri i Kosovës do të vazhojë t`i gënjejë qytetarët e vendit, vetëm sa për t`i siguruar prapë votat e tyre.
Postimi i plotë i tij pa ndërhyrje:
“Më në fund e vërteta: Albin Kurti u tha qytetarëve: Faleminderit që besuat në kauzat e mia të rrejshme dhe më sollët në pushtet. Tash ka ardhur koha për zbatimin e asociacionit!!!
Habitem me befasinë që për shumë kend solli një deklaratë e Albin Kurtit për themelimin e asociacionit. Duket sheshazi që shumë nga të “befasuarit” paskan pasë besuar kohë të gjatë në gënjeshtrat dhe mashtrimet e tij! Ai, Kurti pra, kauzen e asociacionit, njësoj si ate të demarkacionit i ka pasë vetëm si instrumente për të fituar pushtetin për të cilin ishte i gatshëm ta kallte Kosovën, madje duke ecur mbi kufoma qytetarësh të pafajshëm dhe të mashtruar. I mbështetur për muri, të njejtëve qytetarë , Kurti tani, duke mos patur hapsirë për gënjeshtra më, ua thotë të vërtetën: “Unë, ua humba një dekadë duke ju mashtruar. Faleminderit që besuat në mashtrimet e mia dhe më sollët në pushtet. Tani që e fitova pushtetin, për herë të parë po ua them të vërtetën. Asociacionin do ta themeloj. Ndoshta edhe dicka më shumë se asociacion. Por ju qytetarët dhe votuesit e mi të dashur prap do te vazhdoni të më besoni sepse unë prap do të vazhdoj të ju gënjejë e mashtrojë!!!. S.H.”/Gazeta Papirus/
