Së bashku e kishin lënë të takohen në mëngjes. E gjithë kjo për të zhvilluar një aktivitet në 15 vjetorin e Pavarësisë së Kosovës.
Kështu, Agim Pllashniku me fëmijët e tij dhe disa studentë, gjatë kësaj të premte kishin shtypur disa posterë.
Në to ishte paraqitur figura e ish-kryeministrit dhe ish-presidentit të Kosovës, Hashim Thaçit si dhe ajo e kryeministrit te pare shqiptar, Ismail Qemajlit.
Këto të njëjtat, Pllashniku bashkë me të tjerët, po i vendosnin në objektin e qeverisë.
Derisa po zhvillonin një aktivitet të tillë, edhe policia e Kosovës u interesua për atë që po bënin.
Megjithatë nuk i ndaluan. Përpos objektit të qeverisë, ata posterët i vendosën edhe tek parlamenti, teksa po tregonin arsyet e tyre. Se cili ishte qëllimi kryesor i tyre, e tregon vetë iniciatori i këtij aktiviteti, njëkohësisht ish-luftëtar i UÇK-së.
Ai poashtu ka një thirrje për veteranët e luftës.
Bashkë me të, në iniciativë iu bashkangjitë edhe e bija Sonila.
Përveç këtij organizimi, në kujtim të atyre që janë në Hagë, u mor edhe një iniciativë tjetër.
Kësaj rradhe nga kryetari i Nismës Socialdemokrate, Fatmir Limaj, i cili organizoj tubimin festiv “Festojme me ju”.
Ndryshe, posteret e vendosur mëngjesin e së premtes në objektin e qeverisë, janë larguar gjatë pasdite, dhe sipas organizuesit të aksionit, ato u larguan nga truproja i ministres së jashtme Donika Gërvalla.
