Simone Inzaghi ka rënë dakord për të nënshkruar një zgjatje të kontratës edhe për një vit tjetër me Interin, me atë aktuale që skadonte në vitin 2024. Synimi kryesor i tij këtë sezon është që t’ia sjellë zikaltërve yllin e dytë në fanellë.
Trajneri 47-vjeçar ka bërë një rrugëtim të mirë në kryeqytetin e Lombardisë që kur u largua nga Lazio në verën e vitit 2021, duke fituar dy tituj të Kupës së Italisë dhe duke i çuar zikaltrit në finalen e Ligës së Kampionëve sezonin e kaluar.
Gazzetta dello Sport detajon se si Inzaghi ka rënë dakord për një zgjatje të re të kontratës njëvjeçare me Interin, duke zgjatur marrëveshjen e tij nga qershori 2024 në 2025.
