Trajneri Simone Inzaghi është i bindur se Interi e meritoi finalen e Kupës së Italisë, pasi në dy ndeshje kundër Juventusit ishte skuadër më e mirë. Ndeshja parë përfundoi 1-1, kurse në ndeshjen kthyese Interi realizoi fitore 1-0.
“Ishte një mbrëmje e mrekullueshme, shumë lojë fer, të dyja skuadrat luajtën një ndeshje intensive nga fillimi deri në fund. Është e qartë se skuadra ime e meritoi finalen në dy ndeshjet. Jemi shumë të lumtur, pasi donim të ktheheshim në Romë me çdo kusht. Tani ka 10 ndeshje për të përfunduar këtë sezon, shpresojmë se do të ketë edhe një tjetër”, ka thënë Inzaghi.
“Djemtë ia dolën aq mirë, pasi ne kurrë nuk u zvogëluam as një centimetër kundër një kundërshtari cilësor. Herë-herë ne shtyheshim për t’i shtypur, në të tjera ne mbroheshim me vendosmëri. Unë sjell shumë ndjesi pozitive nga performanca”, ka shtuar Inzaghi.
