Në gjykiminin kundër krerëve të UÇK-së po vazhdon marrja në pyetje e dëshmitarit të radhës, Agim Idrizit nga Kaçaniku, ku i njëjti po prezantohet pa masa mbrojtëse.
Idrizi në fillimin e kësaj seance u përballë me një dokument të policisë serbe në vitin 1998. Aty thuhet se në atë kohë ishte krijuar një polici lokale në Kaçanik, e ku pjesë e kësaj liste ishte edhe Agim Idrizi. Një gjë të tillë e ka mohuar dëshmitari, duke thënë se nuk ka qenë kurrë as roje pylli e as polic.
““Unë e di kush me ka shti në listë dhe për çka me ka shti. Le të kallxojnë krejt kacaniku, nëse kam qenë unë roje pylli, kjo kurrë nuk ka qenë”, ka thënë ai, teksa pretendon se e di se kush ia ka bërë këtë. Unë nuk jam marrë me këto gjëra, e dinë Kacaniku se nuk kam qenë polic e as shumarë”, ka thënë Idrizi.
Ndër shumë të tjera, ai deklaroi se është rrahur e maltretuar, saqë edhe sot e kësaj dite i ndjen dhimbjet e tij.
“Kom dhimbje që mendja s’ua merr. M’kanë lanë me flejtë, ku o ma keq”.
Pas Prokurorisë Speciale, fjalën e mori mbrojtja e Rexhep Selimit, ku dëshmitari Idrizi përgjigjej në pyetjet e avokatit.
Duke mohuar se ka qenë pjesë e policisë serbe ai thotë se Enver Axhami dhe familja e tij “veç keq i kanë bërë”, për këtë arsye erdhi edhe deri tek përkeqësimi i marrëdhënieve mes këtyre dy familjeve.
“Vec keq më kanë bo . Unë thash i kam katër zvestaja te policia sebe për pushkatim një e kam që m’kanë qitë n’varje në sjalicë. është njeri i gjallë që më ka nxjerrë, shqiptar është.Se kam menu që ka me ardhë najkush me m’shpëtu po vec kur e ka cel derën e m’ka z’gjidh”, tha ndër të tjera Agim Idrizi
