Të mbushen sheshet dhe të protestohet në mënyrë masive në mbështetje të qeverisë Kurti. Kështu u shpreh një nga qytetarët e paktë protestues sot në sheshin e Prishtinës, që supozohet të jenë duke protestuar kundër themelimit të Asociacionit të komunave serbe.
“Protestat do të jenë masive gjithandej, paqësore dhe në mbështetje të qeverisë Kurti që po punon me të gjitha forcat për ta ruajtur integritetin dhe sovranitetin e Kosovës. Shqiptarët do të luftojnë për ta ndalur Asociacionin e institucionet evropiane duhet të rishikojnë qëndrimin e tyre”, u shpreh qytetari.
Duket se qytetarët që kanë dalë në protestë, nuk kanë arritur të ‘apdejtohen’ (rifreskohen) me qëndrimet e z.Kurti dhe Qeverisë që ai udhëheq, pasi që Kurti nuk është kundër themelimit të Asociacionit, por është kundër themelimit para arritjes së marrëveshjes që quhet si finale me Serbinë.
Shpresojmë që organizatorët e protestës, të qartësojnë objektivat ose kauzën e protestës më mirë për herave të tjera.
