Nuk janë të rralla rastet kur zyrtarët policorë ballafaqohen me kërcënime serioze nga qytetarë në qytete të ndryshme të Kosovës. Një rast i tillë është raportuar mbrëmë në fshatin Raushiq të Pejës, raporton Gazeta Sinjali.
Në telashe me një qytetarë kanë përfunduar edhe disa zyrtarë policorë që shkuan të intervenojnë në një aksident trafiku në fshatin Prekallë të Istogut.
Sinjali mëson se 49-vjeçari që dyshohet se shkaktoi aksidentin ka qenë nën ndikim të alkoolit dhe në momentin e intervenimit të Policisë ka penguar policët që të kryejnë punën e tyre. Si rrjedhojë zyrtarët policorë kanë tentuar që ta pasivizojnë të dyshuarin dhe të njëjtin ta prangosin, mirëpo kanë hasur në rezistencë.
Shoferi dyshohet se ka kërcënuar zyrtarët policorë duke i sharë me fjalë banale se do t’ua q*jë nënën të gjithëve për këtë punë.
I dyshuari u shoqërua në stacion policor e më pas iu nënshtrua edhe testit për alkool ku rezultoi në gjendje të dehur.
Pas këndelljes është intervistuar dhe me urdhër të prokurorit ndaj tij është iniciuar rasti ‘Kanosje’.
