Kreu i Grupit Parlamentar të Partisë Socialiste të Shqipërisë, Taulant Balla i ka bërë thirrje grupeve të tjera parlamentare që të bëjnë propozimet e tyre për emrin e Presidentit të ri të Republikës.
Në mbledhjen e sotme të Konferencës së Kryetarëve të grupeve parlamentare, Balla tha se tre raundet e para janë të opozitës, ndërsa raundi i katërt dhe i pestë është i shumicës.
Balla sqaroi se është i gatshëm të dëgjojë propozime nga të gjitha palët, përjashtuar ato të dhëna nga ish-kryeministri Sali Berisha, që e etiketoi si një “non grata”.
“I keni ju 20 firma për të propozuar një kandidate në raundin e dytë? Kandidatë që vijnë nga katrani i oborrit nuk pranojmë, për ‘non grata’ e kisha”, u shpreh Balla.
