Deputetja e LDK-së, Hykmete Bajrami, ka publikuar dokumentet me komentet që partia e saj i ka dërguar në ZRRE, rreth propozimit për shtrenjtim të rrymës, si kundërpërgjigje për shefen e Grupit Parlamentar të VV’së, Mimoza Kusari-Lila, e cila në seancën e Kuvendit deklaroi se LDK-ja nuk ka dorëzuar dokumente zyrtare, por komente politike.
Bajrami ka shkruar se Kusari-Llila ka shpifur në seancë se LDK-ja s’i ka dorëzuar dokumentet në ZRRE lidhur me
dokumentin konsultativ të ZRRE-së.
Ndërkaq Kusari-Lila sot në Kuvend deklaroi se ZRRE’ja ka kërkuar që të mos ketë komente politike, por dokumente zyrtare, gjë që sipas saj nuk e ka bërë LDK-ja.
“ZRRE-ja ka hapur periudhën e konsultimeve, asnjëra prej tyre nuk ka dërguar raportet e tyre në raport me kërkesën e ZRRE-së. Ajo çka po propozohet mund të hidhet në votim. ZRRE-ja është konsultuar kur e keni pasur në komisionin për ekonomi, të mos merren me komente politike por me dokumente zyrtare dhe ligjin mbi rregullatorin. ZRRE-ja ka marrë vendimin konform afateve kohore. Janë mekanizmat tjerë që mund të ndikojnë në zbutjen e rritjes së çmimit. Ajo çfarë po tentohet këtu, është shkelje e ligjit mbi rregullatorin”, ka deklaruar Kusari-Lila.
