Hungaria ka treguar edhe një herë mbështetjen e vet për Serbinë, një strategji e saj kjo për të penguar aplikimin e Kosovës për anëtarësim në Bashkimin Evropian, OKB dhe Këshillin e Evropës, raportojnë mediet e huaja.
Vendimi i tyre vjen pasi ditëve të fundit janë ‘qetësuar’ sadopak marrëdhëniet Kosovë-Serbi, pas heqjes së barrikadave në veri të vendit.
“Pranimi i parakohshëm i Kosovës nga entitete të ndryshme europiane mund të rrezikojë marrëveshjen”, tha Péter Szijjártó, ministër i Jashtëm i Hungarisë.
“Prandaj, nëse votohet se a do të pranohet Kosova si anëtare e Këshillit të Evropës, qeveria do të votojë kundër”, shtoi ai gjatë një takimi në ministrinë e jashtme të Hungarisë në Budapest.
