Deputetja e Partisë Demokratike të Kosovës, (PDK) Eliza Hoxha, i ka reagur zyrtarës së lartë të VV-së, Dejona Mihalit.
Përmes një statusi në faqen e saj zyrtare, Hoxha e pyet Mihalin se ku kishte qenë në të 90-tat dhe i tregon se atë kohë me fol ska mjaftu por është deshtë me protestu apo me luftu, shkruan Gazeta Papirus.
“Folni sa të doni, edhe shpifni, edhe përbuzni, edhe fyeni sepse kjo është ushqimi juaj që ju me pa vetën superior dhe të vetmjaftueshëm. (sepse në parimin e barazisë që shiteni, ju e shihni vetën më shumë të barabartë se të tjerët”, shkruan ajo ndër tjera.
Postimi i plotë:
Mjera unë për ty… Lehtë është me ardhë hazër në Kosovën e lirë e me shit dushk për gogla. Ku ishe oj bijë “kreshnike” në të 90-tat?
Apo atëkohë me fol s’ka mjaftu, por është dasht mu qu e me i grahë punës, protestës e pushkës me mbijetu.
Folni sa të doni, edhe shpifni, edhe përbuzni, edhe fyeni sepse kjo është ushqimi juaj që ju me pa vetën superior dhe të vetmjaftueshëm. (sepse në parimin e barazisë që shiteni, ju e shihni vetën më shumë të barabartë se të tjerët).
Por e kotë ka me qenë. Sepse midis fjalës dhe punës ka një dallim të madh. E qeverisja nuk matet me fjalë, as tash e as kur kryhet mandati. Dil edhe ti, të shohin njerëzia. Mos hi tinza në Kuvend, qysh po të shohim herë e herë.
/GazetaPapirus/
