Ish-kryeministri Avdullah Hoti është përplasur me ministrin e Financave, Hekuran Murati, në mbledhjen e Komisionit për Buxhet dhe Transfereve.
Përgjatë diskutimeve të kësaj mbledhjeje, u diskutua për një kredi nga Banka Botërore, me vlerë prej 15 milionë eurosh, që do t’i dërgohet Kuvendit të Kosovës si marrëveshje ndërkombëtare.
Ndaj këtij vendimi ka reaguar anëtari i komisionit nga ana e LDK-së, duke u konfrontuar verbalisht me ministrin Murati për çështjen e kredisë për skemat sociale.
“Asnjëherë nuk ka ka ardhur në asnjë qeveri kërkesë për me marrë kredi për skema sociale. Çfarë ministri je ti, lëvdohesh se ke bë punë të mira e këndej kërkon 15 milion euro kredi”, iu është drejtuar Hoti ministrit.
“S’ka pasur asnjëherë asnjë ministër që ka kërkuar kredi për me i mbulu pagat e ti po i kërkon”, ka vazhduar më tej ai.
