Deputeti i Lidhjes Demokratike të Kosovës (LDK), Avdullah Hoti, i cili në vazhdimësi ka qenë i ashpër ndaj Qeverisë Kurti, e ka rrahur tavolinën duke kërkuar veprime radikale në Kuvend kundër Albin Kurtit.
Hoti tha se është kundër metodave jodemokratike si gazi lotsjellës dhe dhuna në Kuvend, por thotë se opozita duhet t’ia pamundësojë këtij ekzekutivi që ta qeverisë me vendin.
Ai kërkoi që të të pengohet puna e Kuvendit, duke mos u votuar më as marrëveshjet ndërkombëtare.
Sipas tij, në kushte normale ai do të donte që Qeveria ta kryente mandatin, por thotë se gjendja nuk është normale.
”Nuk duhet të lejohet të vazhdojë kjo qeveri më tutje. Partitë opozitare duhet të pamundësojnë qeverisjen më tutje të vendit, me forma demokratike kushtetuese. Duhet me pamundësu punën e Kuvendit duke mos votu më marrëveshje ndërkombëtare“, ka thënë Hoti.
