Dashi
Ditë mjaft e këndshme kjo e sotmja për ata që janë në një lidhje. Do të tregoheni më të duruar dhe çdo hap do ta hidhni pasi ta keni menduar me kujdes. Beqarët nuk do kenë për çfarë të qahen gjatë kësaj dite, sepse gjithçka do t’u realizohet më së miri. Financat nuk do jenë në gjendjen më të mirë, megjithatë, me pak përkujdesje mund t’ia dilni mbanë.
Demi
Planetët do të bëhen të gjithë bashkë gjatë kësaj dite dhe do t’ju ofrojnë një mjedis të këndshëm për të dashuruar ashtu siç e ndieni. Beqarët, nga ana tjetër, do jenë me shumë fat në dashuri dhe do takojnë personin e ëndrrave të tyre. Edhe në planin financiar nuk do keni për çfarë të qaheni. Do keni të gjitha mundësitë për të realizuar shpenzimet që keni menduar.
Binjakët
Nëse jeni në një lidhje, nuk duhet absolutisht t’i hidhni sytë te dikush tjetër sot, sepse në këtë mënyrë do futeni në debate të zjarrta me partnerin dhe gjithçka mund të marrë fund. Beqarët do jenë joshës dhe do tërheqin pas vetes persona me shumicë. Në planin financiar, Saturni do t’ju detyrojë të tregoheni më striktë me shpenzimet. Nuk priten vështirësi.
Gaforrja
Të dashuruarit do kenë një ditë të zakonshme dhe pa të reja. Mundohuni të paktën të mos debatoni me atë që keni në krah. Për fat të keq, për beqarët nuk pritet asgjë e veçantë sot në jetën e tyre sentimentale. Mundohuni të merreni me diçka tjetër. Në planin financiar duhet të tregoheni vigjilentë në mënyrë që të mos keni as problemin më të vogël.
Luani
Ata që janë prej kohësh në një lidhje do marrin vendime shumë të rëndësishme sot. E ardhmja do të jetë ndryshe nga këto kohë, falë përkujdesjes së të dyve. Beqarët më mirë të mos e kërkojnë kot princin e kaltër, sepse mundësitë për ta gjetur do jenë të shumta. Financat do përmirësohen ndjeshëm falë një projekti fitimprurës që do ta përmbyllni me sukses.
Virgjëresha
Do kuptoheni mjaft mirë me partnerin tuaj gjatë kësaj dite dhe marrëdhënia në çift do të jetë e shkëlqyer. Vazhdoni në këtë rrugë. Beqarët që kërkojnë thjesht aventura kalimtare do jenë me fat, ndërsa ata që janë në pritje të dashurisë së madhe do duhet të presin ende. Financat do jenë të mira për pjesën më të madhe, kështu që në këtë sektor do jeni tërësisht të qetë.
Peshorja
Do kaloni mjaft çaste të lumtura sot me atë që keni në krah dhe do ndiheni ndonjëherë sikur jeni në ëndërr. Sensualiteti, bashkëpunimi dhe përkëdheljet do jenë fjalët kyçe në jetën tuaj. Beqarët duhet të qëndrojnë larg personave mediokër dhe mendjemëdhenj. Në planin financiar priten disa probleme të vogla, por që me durim dhe këmbëngulje mund të rregullohen.
Akrepi
Partneri do t’ju detyrojë të bëni disa gjëra që nuk i pëlqeni sot dhe kjo do t’ju mërzisë pa masë. Në një moment mund të shpërtheni dhe të debatoni ashpër me të. Beqarëve nuk do t’ju mungojnë ftesat për takime, por edhe ashtu si janë ndihen mirë. Me financat duhet të bëni më shumë kujdes se kurrë më parë. Situata nuk është në gjendjen më të mirë të mundshme.
Shigjetari
Urani do jetë planeti më i favorshëm për jetën në çift. Do kaloni më shumë kohë së bashku me partnerin dhe do filloni edhe projekte të përbashkëta. Beqarët do mbyllen në vetvete dhe nuk do dëshirojnë as të dalin apo të argëtohen me miqtë. Në planin financiar duhet të reflektoni mirë para se të hidhni çdo hap, sepse mund të përballeni me vështirësi të mëdha.
Bricjapi
Do jeni shpeshherë nervozë në çift dhe mund të keni disa mosmarrëveshje të vogla me partnerin tuaj, megjithatë dita në përgjithësi do të jetë pozitive. Beqarët do kenë mundësi me shumicë për të krijuar lidhje, por ende nuk janë gati për diçka serioze. Financat do kenë tronditje të forta për shkak të dëshirës suaj të zjarrtë për shpenzime marramendëse.
Ujori
Duhet të përballeni me partnerin tuaj sot për gjithçka, sepse vetëm në këtë mënyrë do mund të keni një jetë të qetë. Mos mbani asnjë brengë përbrenda. Beqarët duhet të shfrytëzojnë çdo mundësi që do t’u jepet për takim, por pa u nxituar aspak. Financat, fatmirësisht, do kenë rritje të konsiderueshme nga disa ditë më parë. Do ndiheni mjaft mirë për këtë fakt.
Peshqit
Do jeni shumë të pasigurt gjatë kësaj dite për lidhjen që keni krijuar. Më e mira është të flisni me partnerin dhe jo me persona të tjerë, të cilët nuk do t’ju japin këshillat e duhura. Beqarët do kenë takime, por personat do duan vetëm të tallen me ta. Tregohuni të kujdesshëm! Të ardhurat do jenë të mbrojtura dhe nuk do përbëjnë problem.
