Dashi
Gjërat që nuk do ju pëlqejnë gjatë kësaj dite do keni tendencë t’i shtyni ose t’i lini pas dore. Ky në fakt do jetë një gabim që mund të sjelle edhe konflikte. Nëse keni një lidhje duhet të bëni më shumë përpjekje për të ulur tensionin gjatë kësaj dite. Partner do jetë më i gatshëm të bashkëpunojë, por edhe ju duhet të bëni pjesën tuaj. Ju beqarët mund të keni edhe dashuri me shikim të parë, por me persona që nuk do ju ofrojnë asnjë të ardhmen. Në punë mos kërkoni të jeni perfeksionistë, por mbyllni sa më parë gjërat kryesore që iu janë kërkuar sepse mund të merrni kritika. Financat duhet pasur jashtëzakonisht kujdes sepse përndryshe do keni probleme serioze.
Demi
Mërkuri do ju bëjë më të dashur sot dhe do i shprehni më tepër pëlqimet. Nëse jeni në një lidhje do ndiheni jashtëzakonisht mirë. Partneri do jetë si xhindi i llambës së Aladinit dhe do ju plotësojë çdo dëshirë që do i shprehni. Nëse jeni beqarë mund të takoni personin e duhur me të cilin do kaloni gjithë jetën. Në punë situata do jetë goxha e qëndrueshme. Do dini si të veproni në çdo moment dhe gjithçka do ju ec sipas planeve që keni bërë. Nëse jeni të papunë do ju ofrohet një mundësi goxha e mirë. Financat do i keni kujdes. Jo vetëm që nuk do shpenzoni, por do filloni te hiqni edhe disa para mënjanë.
Binjakët
Ditë e qetë, pa ndonjë surprizë dhe pa gjëra të jashtëzakonshme do jetë kjo e sotmja. Mundohuni të largoheni nga rutina e përditshme ju të dashuruarit dhe po mundët largohuni edhe nga qyteti juaj për pak ditë. Keni për t’u ndier më mirë dhe do i harroni problemet që keni pasur. Ju beqarët do i merrni gjërat si t’iu vijnë dhe nuk do tentoni të joshni. Në punë do jeni mjaft profesionistë dhe do i habisni që të gjithë me ato që do arrini. Vazhdoni në këtë rrugë dhe keni për ta parë se ku do arrini. Në planin financiar do keni një ditë me shumë fat dhe gjendja do përmirësohet tej mase.
Gaforrja
Priten edhe turbullira në jetën tuaj gjatë kësaj dite kështu që mirë është të tregoheni të kujdesshëm. Nëse jeni në një lidhje ka mundësi që zemra të flasë dhe mendja të heshtë. Do përjetoni emocione shumë të forta. Nëse jeni beqarë duhet t’i dëgjoni këshillat e miqve nëse doni të mos bëni gabime. Ata do duan vetëm të mirën tuaj. Në planin profesional, planetët do jene me ju dhe do iu sjellin fat. Mund t’iu bëhen edhe disa propozime te papritura, por mjaft interesante. Të ardhurat do vijnë dalëngadalë duke u stabilizuar, por ju duhet të tregoheni ende të kujdesshëm me çdo lloj shpenzimi.
Luani
Me durim e qetësi mund të arrini çdo gjë gjatë kësaj dite. Duke qenë se planetët nuk do kenë asnjë ndikim tek jeta juaj në çift, do ju mbetet vetë në dorë ta menaxhoni atë. Silluni si duhet me partnerin dhe mos mendoni vetëm për të mirën e vetes. Nëse jeni beqarë duhet të përfitoni sa të mundni nga liria që keni sepse mundësitë që do iu jepen sot do jenë fantastike. Në planin profesional do keni fat me shumicë dhe do jeni më të suksesshmit nga kolegët. Shefat do iu japin edhe mundësi të shprehni mendimet që keni mbi një temë delikate. Në planin financiar duhet të vazhdoni të tregoheni sa më të kujdesshëm.
Virgjëresha
Dita e sotme do jetë më pozitive dhe ju do jeni shumë më realiste e te logjikshëm për çdo gjë. Për ju që keni një lidhje, prezenca e Venusit në qiellin e dashurisë do e bëjë jetën tuaj në çift edhe më harmonike, më të qetë dhe më të sigurt sot. Edhe për ju beqarët planetët premtojnë takime shumë të veçanta që mund ta ndryshojnë përgjithmonë rrjedhën e jetës. Mundohuni t’i bëni sytë katër kudo që të shkoni. Në punë do iu gjeni zgjidhje të gjitha problemeve dhe do arrini atje ku e keni programuar. Për sa iu përket financave do keni gjithë interesin për të frenuar shpenzimet dhe do e mbani gjendjen të stabilizuar.
Peshorja
Sot Plutoni do nxitë shpirtin e iniciativës dhe dëshirën për të zbuluar gjëra të reja. Do luftoni fort për gjithçka dhe ne fund do ja dilni. Ju të dashuruarit do jetoni në një ambient tej mase të ngrohtë dhe të mbushur me emocione. Edhe nëse keni pasur mosmarrëveshje do arrini t’i sqaroni që në orët e para të mëngjesit. Ju beqarët do jeni shumë të sigurt për hapat që do hidhni dhe do e bëni për vete këdo që do pëlqeni. Në punë do jetë Marsi planeti që do ju japë forcë dhe kurajë. Mund të nënshkruani edhe kontrata sot. Financat mund të përmirësohen pas fitimit të një lotarie.
Akrepi
