Deputeti i Kuvendit të Kosovës dhe kandidat për deputet i PDK-së për zgjedhjet e 9 shkurtit, Hisen Berisha, ka ngushëlluar familjet e tre të rinjve që humbën jetën në Jabllanicë të Dushkajës.
Ai ka thënë se tragjedia në Jabllanicë është dhimbje e madhe për gjithë Kosovën.
Lajmi për humbjen tragjike të tre engjëjve të mitur në Jabllanicë të Dushkajës ka tronditur thellë zemrat e të gjithëve. Në këtë moment të rëndë, fjalët humbin forcën për të shprehur dhembjen, por të bashkohemi në lutje dhe solidaritet me familjet e tyre. U mundova t’u shpreh ngushëllime kryefamiljarëve të tri familjeve dhe të gjithë dajave të Jabllanicës, duke ndarë me ta këtë dhimbje të papërshkrueshme. Kjo tokë, që ka përballuar plagë të mëdha për lirinë e Kosovës, sot përballet me një dhimbje që s’ka fjalë ta shpjegojë. Por ashtu si gjithmonë, me besim në Zotin, i cili përcakton lindjen dhe vdekjen, duhet të gjejmë forcën për ta përballuar këtë tragjedi. Zoti u lashtë shnosh e inkurajim nga zemra familjeve të të ndjerëve, banorëve të Jabllanicës dhe mbarë popullit shqiptar që sot ndan dhimbjen me ta, të gjeni forcë ta përballoni dhimbjen! Në këto çaste, jemi të gjithë një familje”, ka shkruar në “Facebook” Berisha.
