Ambasadori amerikan në Serbi Christopher Hill tha sot gjatë vizitës së tij në Vranjë se beson se Marrëveshja e Ohrit do të ketë efekt pozitiv në mbarë Ballkanin, transmeton Gazeta Papirus.
“Ndoshta është herët për të thënë, por shpresoj se Marrëveshja e Ohrit do të shënohet në histori. Nga njëra anë, si një pikë nga e cila filloi normalizimi i marrëdhënieve ndërmjet Beogradit dhe Prishtinës dhe kjo bëri që kufijtë t’i bashkojnë njerëzit, jo t’i ndajnë ata. Gjithashtu, se do të jetë një pikë kthese nga e cila filluam të merremi me çështjet ekonomike në radhë të parë dhe bashkëpunimin ekonomik” tha Hill.
Ai shtoi se gjatë dy ditëve të fundit, kur ishte në vizitë në jug të Serbisë, ai vetë bëri përpjekje për të shpjeguar se Marrëveshja e Ohrit ka të bëjë me “Kosovën, jo si pjesë të Republikës së Serbisë”, por që SHBA-ja me siguri do angazhohen për të ndihmuar pjesë të ndryshme të Ballkanit për të gjetur rrugën e tyre përpara.
“Duhet thënë se kjo marrëveshje e bart përgjegjësinë te të gjithë ne që të bëjmë përpjekje për ta ndihmuar këtë rajon të forcohet dhe të përparojë përmes zhvillimit ekonomik. Të gjitha vendet dhe banorët e Ballkanit Perëndimor duhet të bëjnë përpjekje për ta afruar rajonin me BE-në përmes bashkëpunimit të ndërsjellë dhe kjo nuk është një detyrë politike, por në radhë të parë ekonomike” tha Hill, shkruan Tanjug.
Kur flasim për vizionin, shtoi ai, ajo me të cilën do të donin të ndihmonin me të vërtetë SHBA-ja dhe ajo që do të donin të ndodhte është se ky nuk është një rajon afër një kufiri që është i vështirë për t’u kaluar, por se duhet të jetë një kufi, sipas konceptit të Ballkanit të Hapur, që do t’i afrojë njerëzit dhe jo do t’i ndajë ata./Gazeta Papirus/
