I njohur si guru i futbollit gjerman Ralf Rangnick, këmbëngulës e kërkues ka arritur marrëveshje me Manchester United që është në telashe me vite të tëra, që prej se u ‘tërhoq’ skocezi i famshëm Sir Alex Ferguson,
Rangnick njihet poashtu se kërkon kompetenca të mëdha brenda klubit dhe askush as në Angli nuk beson se ai do të vinte, pa marrë parasysh sa romantike mund të jetë posti i ri, se ai do të vinte vetëm për ca muaj. Ai do të ketë rol këshillues edhe për dy vite të tjera sipas kontratës.
John Murtough, drejtor i futbollit të Manchester United ka thënë se ai do të mbetet përtej rolit të menaxherit të përkohshëm në klub. Ai si duket do të jetë kyç edhe në përzgjedhjen e menaxherit pas tij.
“Të gjithë në klub mezi presin të punojnë me të gjatë sezonit të ardhshëm, dhe më pas për dy vite të tjera në rolin e tij këshillues.”
Welcome to Manchester United, Ralf Rangnick ????????????#MUFC
— Manchester United (@ManUtd) November 29, 2021
