Nënkryetari i Lidhjes Demokratike të Kosovës (LDK), Lutfi Haziri, ka reaguar për rastin e vrasjes së gruas shtatzënë 35-vjeçare.
Haziri ka deklaruar se Qeveria po kërcënon me shkarkime e hetime në kohën kur vetë duhet të japin përgjegjësi.
”Vrasja e gruas në derën e shtetit mbrëmë, tregon se sa i papërgjegjshëm është Institucioni i shtetit tonë për mbrojtjen e qytetarit”, ka shkruar Haziri në Facebook.
Ai e ka përmendur edhe rastin e Agon Musliut gjatë kohës sa ishte i karantinuar për masat anti-COVID.
Kjo qeveri kërcënon me shkarkime e hetime në kohën kur vetë duhet të japin përgjegjësi. Që prej vrasjes së Agon Musliut në karantinën tuaj e deri sot, vetëm me gisht po bëni. Përgjegjesia është te Ju”.
“Drejtesi për Hamiden, Agonin dhe të gjitha viktimat”, përmbyllet postimi i Hazirit.
