Kryeministri i Kosovës, Albin Kurti, ka mbajtur sot një konferencë për media, bashkë me ministrin e Punëve të Brendshme, Xhelal Sveçla, ku kanë folur për zhvillimet e fundit në vend, përfshirë edhe largimin e serbëve nga të gjitha institucionet e Kosovës.
Kurti, në këtë konferencë, tha se qeveria do të jetë gjithmonë vigjilente, shpesh e brengosur, por asnjëherë e frikësuar. E këto fjalë të Kurtit si duket i lanë përshtypje ministres së Drejtësisë Albulena Haxhiu, e cila, përmes një postimi në Facebook, i shkroi këto fjalë të shefit të vet, duke ia bashkëngjitur edhe një fotografi të tijën.
“Vigjilentë gjithmonë, të brengosur shpeshherë, të frikësuar asnjëherë. Kryeministri Albin Kurti”, ka shkruar Haxhiu në Facebook.
