Deputeti i AAK-së, Ramush Haradinaj ka shprehur shqetësim për shtrenjtimin e energjisë elektrike.
Në një reagim të bërë në profilin e tij në Facebook, Haradinaj thotë se qytetarët që konsumojunë më se 800kWh do t’iu rritet çmimi i energjisë elektrike me 85.18% për tarifën e lartë dhe 104.15% për tarifën e ulët.
Statusi i tij :
Të dashur qytetarë,
Përrallat e Kurtit morën fund. Sot të gjithë juve që konsumoni më shumë se 800kWh do t’iu rritet çmimi i energjisë elektrike me 85.18% për tarifën e lartë dhe 104.15% për tarifën e ulët.
Një qytetar i zakonshëm që minimalisht ka harxhuar 850kWh, me 60% në tarifën e lartë dhe 40% në tarifën e ulët, ka paguar 49.68 euro. Kurse tash, me Qeverinë Kurti që ka drejtimin e vendit, do të paguajë 92.40 euro.
Pra, rritja për një qytetar të zakonshëm do të jetë rreth 86%. Sikur mos të mjaftonte, pak ditë më parë ndau edhe 90 milionë euro për subvencion, që tash nuk ka fije kuptimi.
Aleanca për Ardhmërinë e Kosovës ka kërkuar nga ZRRE që të kthehet në pikën ZERO ky proces, por kot. Triumfuan ata që duan të varfërojnë xhepin e qytetarit.
Aktivitetet tona në kundërshtim të këtij vendimi skandaloz nuk do të ndalen!
/Gazeta Papirus/
