Kreu i Aleancës për Ardhmërinë e Kosovës, Ramush Haradinaj, ka kujtuar bashkëluftëtarët e tij nga zona e Dukagjinit, të rënë për lirinë e Kosovës, përcjell Gazeta Papirus.
Ai theksoi se qëndresa titanike e djemëve të Dukagjinit dhe gjaku i tyre i derdhur në fushë të nderit mundësoi realizimin e idealit shekullor të lirisë.
Postimi i plotë i tij:
“Prilli i vitit 1999, na kujton qëndresën titanike të djemve të Dukagjinit në mbrojtje të pozicioneve të luftës.
Kujtojmë bashkëluftëtarin Arton Mehmetaj, i treti dëshmor nga familja Mehmetaj e Gllogjanit, që ra heroikisht përkrah bashkëluftëtarit nga Kukësi Halit Coka.
Kujtojmë bashkëluftëtarët Visar Myftari, Fehmi Shala, Kujtim Qallakaj, Ilir Hoxha, Mustafë Çeku, Shefqet Dervishaj, Rifat Salihu, Blerim Ahmeti, Rifat Smajli, Arben Hereqi, Sadri Ahmeti, Metë Alija, Xhavit Islami e dhjetëra dëshmorë anekënd Kosovës.
Gjaku i tyre i derdhur në fushë të nderit, mundësoi realizimin e idealit shekullor të lirisë. Përulemi me nderim para sakrificës së tyre sublime.”/Gazeta Papirus/
