Kryetari i Aleancës për Ardhmërinë e Kosovës (AAK) Ramush Haradinaj, ka kujtuar komandantin e Ushtrisë Çlirimtare të Kosovës, Ekrem Rexha – Komandant Drini, në 23 vjetorin e rënies së tij.
Haradinaj tha se komandant Drini, dha kontribut të jashtëzakonshëm për lirinë dhe pavarësinë e Kosovës,transmeton Gazeta Papirus
“Sot kujtojmë 23-vjetorin e ndarjes nga jeta të njërit prej komandantëve më të shquar që pati Ushtria Çlirimtare e Kosovës, Ekrem Rexha – Komandant Drini.
Ai dha kontribut të jashtëzakonshëm për lirinë dhe pavarësinë e Kosovës. I afërt e i respektuar nga të gjithë, vrasja e tij ishte humbje e madhe për vendin, dhembje e madhe për familjen, bashkëluftëtarët dhe të gjithë ata që e njohën.
Lavdi jetës dhe veprës së Komandant Drinit”, ka shkruar Haradinaj në një postim në Facebook./Gazeta Papirus/
