Lideri i AAK-së, Ramush Haradinaj, ka kujtuar të vrarët në masakrën e Pastaselit, në Rahovec, përcjell Gazeta Papirus.
Ai tha se autorët e këtij krimi makabër akoma nuk janë ndëshkuar.
Kujtojmë se masakra e Pastaselit është një nga tmerret më të mëdha të Serbisë në Kosovë, e cila ka ndodhur sot 24 vjet më parë.
Postimi i plotë i tij:
“Kujtojmë motrat e vëllezërit tanë, që u martirizuan 24 vjet më parë në Pastasel të Rahovecit. Dora barbare, nuk i kurseu as të miturit, as gratë e pleqtë, në tentim të zhbërjes së qenies tonë. Përgjegjësit për këtë krim makabër mbesin ende të pandëshkuar!
Përjetësisht të përulur para sakrificës së madhe, që kurrë nuk e harrojmë.
Lavdi!”/Gazeta Papirus/
