Bedri Hamza, kandidati për kryeministër i PDK-së, ka thënë se Kosova duhet sa më parë të formojë institucionet e saja.
Në një konferencë për media, ai ka theksuar se duhet sa më shpejt
“Unë jam shumë i hapur dhe jam shumë i gatshëm për diskutime, nuk jam prej atyre që për ndonjë detaj, vendosi vështirësi për një proces, por si ta bëjmë procesin më të lehtë, dhe vendi që të ketë institucione”.
“Kosovës në këtë faze nuk i nevojitet vakuumi institucional, nuk e kemi komoditetin si vend ta kemi vakuumin institucional, edhe për shkak të situatës gjeopolitike edhe për shkak të sfidave dhe problemeve që na presin në të ardhmen”, ka thënë Hamza.
Hamza ka pohuar se me Lëvizjen Vetëvendosje deri tani nuk kanë biseduar për formimin e qeverisë.
“Me partinë e parë, Lëvizjen Vetëvendosje, deri në këtë moment nuk kemi asnjë komunikim zyrtar. Nuk kemi pranuar ftesë, dhe nuk kemi bërë ftesë, sepse ftesa edhe radha dihet si shkon mirëpo, realisht për shkak të programeve dhe bindjeve politike, për mua është e preferueshme krijimi i Qeverisë me LDK-në dhe me partitë e tjera që kanë ulëse në Kuvendin e Kosovës”, ka thënë Hamza.
