Familja e Hamide Magashit, 35 vjeçares që u vra nga bashkëshorti kanë hapur dyert për ngushëllime. Familjarë, miq e të afërm, u panë teksa po hynë në oborrin e kësaj familje për të shprehur ngushëllime.
Ibush Syla nip i familjes Magashi tha se familja e të ndjerës është duke e përjetuar rëndë rastin.
Ai ka bërë të ditur se varrimi i të ndjerës pritet të bëhet nesër pasi që po presin familjarë nga Gjermania.
“Jam nip i tyre, rastin e kemi përjetuar rëndë. Më rëndë më nuk ka, dy vrasje janë bërë aty. Kufomën ende nuk e kanë sjellë, janë duke i prit edhe disa familjarë nga Gjermania, dhe nesër do të varroset e ndjera”, tha ai për EO.
Sipas tij, viktima do të varroset në orën 13:00.
Ajo u vra të mërkurën para objektit të Klinikës Gjinekologjike nga, ish-burri i saj Sokol Halili.
E ndjera kishte urdhër për mbrojtje nga Gjykata Themelore e Ferizajt deri në mars të 2023.
Policia ka njoftuar se i kanë kontrolluar disa lokacione por që i njëjti akoma nuk është kapur.
Gjykata Themelore në Ferizaj ka lëshuar një komunikatë për media, pasi të mërkurën në oborrin e QKUK-së, Sokol Halili dyshohet se ka privuar nga jeta tani të ndjerën gruan shtatzënë Hamide Magashi, 35-vjeç.
