Zëdhënësja e Lidhjes Demokratike të Kosovës (LDK), Sibel Halimi, ka komentuar shkeljet e fundit të Kushtetutës nga disa prej ministrave të Qeverisë Kurti 2.
Sipas saj, këto vendime të Kushtetueses janë shpërfaqje reale e ndërtimit të demokracisë në vend dhe funksionimit të sistemit me rezon shtetëror.
“Vendimet e fundit të Gjykatës Kushtetuese të Republikës së Kosovës kundrejt përpjekjes së kësaj qeverie për të krijuar një realitet qeverisës antikushtues, është shpërfaqje reale e ndërtimit të demokracisë në vend dhe funksionimit të sistemit me rezon shtetëror”, shkroi ajo në Facebook.
Sipas saj, çdo përpjekje nga Lëvizja Vetëvendosje (LVV) për të mos i respektuar vendimet e kësaj gjykate e çon vendin në krizë politike e institucionale dhe paraqet shkelje të rëndë të të drejtave të njeriut.
“Fryma popullsite dhe propaganda nuk mund të zënë vend në historinë e demokracisë kosovare të krijuar me shumë mund nga qytetarët e kësaj Republike. Përgjatë një periudhe aq të shkurtër të mandatit të këtij pushteti, kemi jo vetëm shkelje të vazhdueshme të Kushtetutës së Republikës, por edhe diskurs publik antikushtetues”, shtoi Halimi.
